مەودا میدیا- سەركۆ جەمال

وابڕیارە لە سلێمانی خۆپیشاندانێك دژ بە دەستدرێژیكردنە سەر كچێكی منداڵ لە هەولێر بەڕێوەبچێت كە ماوەیەك لەمەوبەر ئەو كچە و باوكی هاتنە سلێمانی و هەولێریان بەجێهێشت.

گروپێك بەناوی "گروپی ویژدان" لە ئاگادارییەكدا رایدەگەیەنن "سبەینێ سێ شەممە كاتژمێر 11 ی پاش نیوەڕۆ گروپی ویژدان خۆپیشاندانێك لە شاری سلێمانی رێكدەخەن لەپێناو خاوەندارێتی لەلاڤەی هەشت ساڵان و باوكی لاڤە، دوای ئەو ستەم و بێ مافیەی بەرامبەریان كرا لەلایەن دەسەڵاتدارانی پارتییەوە، ئەویش بەئازادكردنی تاوانبارانی ئەو كەیسە و فشار خستنە سەریان و وەدەرنانیان لەشاری هەولێر".

لە ئاگادارییەكەی ئەو گروپەدا هاتووە "داوا لەهەموو خەڵكی بەویژدان و مافپەروەر و ئازادیخواز دەكەین لەو گردبوونەوەیەدا بەشدار بن و پێكەوە دەنگی خۆمان بەرامبەر ئەم زوڵم و ستەم و بێ مافیە بدەین بەگوێی دادگا و دەسەڵاتداراندا".

 ئاگاداری و بانگهێشتنامە
لەپێناو خاوەندارێتی لەلاڤەی هەشت ساڵان و بەڕێز كاك لوقمان، باوكی لاڤە.  دوای ئەو ستەم و بێ مافیەی بەرامبەریان كرا لەلایەن دەسەڵاتدارانی پارتییەوە، ئەویش بەئازادكردنی تاوانبارانی ئەو كەیسە و فشار خستنە سەریان و وەدەرنانیان لەشاری هەولێر
ئێمە وەك گروپی ویژدان 
ڕۆژی ٣ شەممە
كاتژمێر ١١ ی پێش نیوەڕۆ 
لەبەردەم دادگای سلێمانی گردبوونەوەیەكی جەماوەری ساز دەكەین. 
داوا لەهەموو خەڵكی بەویژدان و مافپەروەر و ئازادیخواز دەكەین لەو گردبوونەوەیەدا بەشدار بن و پێكەوە دەنگی خۆمان بەرامبەر ئەم زوڵم و ستەم و بێ مافیە بدەین بەگوێی دادگا و دەسەڵاتداراندا.
      "گروپی ویژدان"