مەودا میدیا- سەركۆ جەمال

هاتووچۆی هەولێر هەڵمەتێكی بۆ دەستبەسەرداگرتنی ماتۆڕسكیلی بێ تابلۆ راگەیاند، لە هەڵمەتەكەدا دەیان ماتۆڕسكیل دەستیان بەسەردا گیراوە. 

هەڵمەتەكە بەرەبەیانی ئەمڕۆ دووشەممە 14-09-2020 لەلایەن كەرتی هاتووچۆی بەحركە ئەنجامدراوە، سەرجەم ئەو ماتۆڕسكیلانەش كە دەستیان بەسەردا گیراوە خاوەنەكانیان كەسانی (سووری، لوبنانی، میسری و عەرەبی دانیشتووی شارەكانی ناوەڕاست وخوارووی عیراق) بوون.

دوای دەستبەسەرداگرتنیان، ماتۆڕسكیلەكان رەوانەی گەراجی دەستبەسەرداگرتنی هاتووچۆی هەولێر كراون.