مەودا میدیا- سەركۆ جەمال

وتەبێژی فەرماندەی گشتی هێزە چەكدارەكانی عیراق رایگەیاند، دوو ئەندامی شانەیەكی رێكخراوی داعش لە كەركوك دەستگیركران، باس لەوەشدەكات سنوورەكان لەگەڵ سوریا توندتر دەكرێن.

یەحیا رەسوڵ، وتەبێژی فەرماندەی گشتی هێزە چەكدارەكانی عیراق رایگەیاند "دوای 24 كاتژمێر لە دەستگیركردنی ئەندامێكی شانەیەكی رێكخراوی داعش لە كەركوك، توانرا ئەندامێكی دیكەی ئەو شانەیە دەستگیربكرێت".

وتیشی "لەسەر راسپاردەكانی فەرماندەی گشتی هێزە چەكدارەكانی عیراق، بڕیاری توندتركردنی ناوچە سنورییەكان لەگەڵ سوریا دراوە، لە رێگەی زیاتر كردنی تاوەر و كامێرای چاودێریی و دروستكردنی دیوار بە درێژایی هێڵی سنووری".