مەودا میدیا- سازگار ئەحمەد

مرەبای هەنجیر یەکێکە لە خواردنە بە تامەکان کە زۆر کەس ئارەزووی خواردنی دەکات بە تایبەتی لە وەرزی هەنجیرەدا، دەتوانرێت بەم شێوازە ئامادە بکرێت.

پێداویستییەکان

1 کیلۆ هەنجیر، 1 کیلۆ شەکر دەتوانیت بەپێی ویستی خۆت بەکاری بهێنیت، کەمێک لیمەندوزی، گوڵاو و گوێز بەپێی ویستی خۆت، ئاو.

چۆنیەتی ئامادەکردنەکەی

سەرەتا شەکرەکە لەگەڵ ئاوی پێویست دەخەینە سەر ئاگرێکی هێواش، دواتر کەمێک لیمەندۆزی تێدەکەین، وازی لێدێنین تا خەست دەبێتەوە بەس نابێت زۆر خەست بێتەوە، پاشان هەنجیرەکەی بۆ زیاد دەکەین وازی لێدێنین تا بەبای دەکوڵێت، دواتر کە کوڵا دەتوانیت گوڵاوەکەی بۆ زیاد بکەیت ئەگەر ئارەزووت کرد، پاشان کە ساردبووە دەتوانرێت بخورێت، بەم شێوەیە مرەباکە ئامادە دەبێت و دەتوانیت پێشکەشی بکەیت.

س.س