مه‌ودا میدیا-

وه‌زیری ناوخۆی حكومه‌تی هه‌رێم رایده‌گه‌یه‌نێت پرۆژه‌ یاسایه‌كی تایبه‌ت به‌ خانه‌نشینی ئاماده‌ ده‌كه‌ن و ره‌وانه‌ی په‌رله‌مانی كوردستانی ده‌كه‌ن بۆ ئه‌وه‌ی موچه‌ی خانه‌نشینی وه‌كو عیراق لێبكه‌ن.

رێبه‌ر ئه‌حمه‌د، وه‌زیری ناوخۆی حكومه‌تی هه‌رێم له‌ كۆبوونه‌وه‌ی په‌رله‌مانی كوردستان تایبه‌ت به‌خوێندنه‌وه‌ی دووه‌م بۆ پرۆژه‌ یاسای چاكسازی وتی" حكومه‌تی هه‌رێم سه‌رقاڵی ئاماده‌كردنی پرۆژه‌ یاسایه‌كه‌ تایبه‌ت موچه‌ی خانه‌نشینی و له‌و پرۆژه‌ یاسایه‌دا موچه‌ی خانه‌نشینی وه‌كو به‌غدای لێده‌كرێت".

وه‌زیری ناوخۆی حكومه‌تی هه‌رێم وتیشی" حكومه‌ت هه‌وڵده‌دات له‌ ماوه‌یه‌كی نزیكدا پرۆژه‌ یاساكه‌ ئاراسته‌ی په‌رله‌مانی كوردستان بكات".