مه‌ودا میدیا-

دانیشتنی په‌رله‌مانی كوردستان بۆ درێژه‌دان به‌ خوێندنه‌وه‌ی دووه‌م بۆ پرۆژه‌ یاسای چاكسازی سبه‌ینێ‌ دووشه‌ممه‌ 13ی كانوونی دووه‌می 2020 به‌رده‌وام ده‌بێت.

رێواس فایه‌ق، سه‌رۆكی په‌رله‌مانی كوردستان رایگه‌یاند" سبه‌ینێ‌ كاتژمێر10:30خوله‌كی سه‌رله‌به‌یانی كۆبوونه‌وه‌ی په‌رله‌مان درێژه‌ی ده‌بێت بۆ خوێندنه‌وه‌ی دووه‌م بۆ پرۆژه‌ یاسای چاكسازی".

له‌ به‌شی یه‌كه‌می كۆبوونه‌وه‌ی ئه‌مڕۆی په‌رله‌مانی كوردستاندا هه‌ردوو پرۆژه‌ یاسای مادده‌ هۆشبه‌ره‌كان و كارتێكه‌ره‌ عه‌قڵییه‌كان و پرۆژه‌ بڕیاری رۆژانی بۆنه‌ فه‌رمییه‌كانی نه‌ته‌وه‌ی توركمان په‌سه‌ند كرا، له‌ به‌شی دووه‌می دانیشتنه‌كه‌شدا گفتوگۆ كرا له‌ سه‌ر چه‌ند بڕگه‌ و مادده‌یه‌كی پرۆژه‌ یاسای چاكسازی.