مەودا میدیا-

لە یەكەم كاردانەوەیدا دوای توشبوونی دۆناڵد ترەمپ، سەرۆكی ویلایەتە یەكگرتووەكانی ئەمەریكا بە ڤایرۆسی كۆرۆنا، جۆ بایدن ، بەربژێری پارتی دیموكراتی ئەمەریكا بۆ هەڵبژاردنی سەرۆكایەتی ئەو وڵاتە رایگەیاند نزای خێر بۆ سەرۆكی ئەمەریكا و خێزانەكەی دەكات بەوەی هەرچی زووە ڤایرۆسی كۆرۆنا تێپەڕێنن.

جۆ بایدن، بەربژێری پارتی دیموكراتی ئەمەریكا بۆ هەڵبژاردنی سەرۆكایەتی لە جریوەیەكدا نووسیویەتی "خۆم و هاوسەرەكەم هیوای چاكبوونەوەی خێرا بۆ سەرۆكی ئەمەریكا و خێزانەكەی دەخوازین"، ئاماژەی بەوەشكردووە "نزا دەكەین كە سەرۆك و خێزانەكەی ڤایرۆسی كۆرۆنا تێپەڕێنن".

دوێنێ‌ پێنجەشەممە دۆناڵد ترەمپ رایگەیاند، خۆی و میلانای هاوسەری تووشی ڤایرۆسی كۆرۆنا بوون و لەئێستاوە بۆ ماوەی دوو هەفتە خۆیان كەرەنتین دەكەن و لەو ماوەیەشدا هەڵمەتی هەڵبژاردنی سەرۆكایەتی بێ دۆناڵد ترەمپ بەڕێوەدەچێت.

خ.غ