مەودا میدیا - کاروان نوری

وتەبێژى وەزارەتى خوێندنى باڵا و توێژینەوەى زانستى سەبارەت بە دەرچوانى قۆناغى دوانزەى ئامادەیى ئاگاداریەکی بڵاوکردووەتەوە و دەڵێت، دەتوانن وشه‌ی تێپه‌ڕو نهێنی لە خوێندنگەکانیان وەربگرنەوە.

عەباس ئەکرەم، وتەبێژى وەزارەتى خوێندنى باڵا و توێژینەوەى زانستى ڕایگەیاند "وشه‌ی تێپه‌ڕو نهێنی، بۆ سەرجەم دەرچوانى دوانزەى ئامادەیى ئامادەکرا و هەر دوێنێش ره‌وانه‌ی وەزارەتى پەروەردە كرا، لەم هەفتەیەوە دەتوانن سەردانى خوێندنگەکانیان بکەن بۆ وه‌رگرتنه‌وه‌ی وشه‌ی تێپه‌ڕو نهێنی".

وتەبێژى وەزارەتى خوێندنى باڵا و توێژینەوەى زانستى ئەوەشی ئاشکراکرد"لە چەند رۆژى داهاتوو زانکۆلاین بۆ دەرچووان کارا دەکرێت و پێش کاراکردنیشى لە راگەیەنراوێکى رۆژنامەوانیدا وردەکارییەکەى بۆ دەرچوان دەخرێتەڕو".

ک.ن