مەودا میدیا-

ئەمڕۆ دووشەممە کۆمیسیۆنی دژە گەندەڵی لە عیراق ئاشکرای کرد پارێزگاری پێشووی موسڵ دەستگیرکراوە بە تۆمەتی دزینی ملیۆنان دۆلاری  لە پارەی ئاوەدانکردنەوە.

کۆمیسیۆنی دژە گەندەڵی لە عیراق رایگەیاند "لە دوای فەرمانی دادگا نەوفەل عاگوب، پارێزگاری پێشووی موسڵ بە تۆمەتی دزینی ملیۆنان دۆلاری  لە پارەی ئاوەدانکردنەوە دەستگیرکراوە".

ئاماژە بەوەشکراوە "لە مانگی 3ی ساڵی 2019دا لە پۆستەکەی دوورخرایەوە پاش رووداوی قەیاغەکە، کە 150 کەس تیایدا گیانیان لەدەستدا، خۆی لە دەستگیرکردن پاراستبوو لە رێی خۆشاردنەوەی لە هەرێمی کوردستانی عیراقدا".

س.س