مەودا میدیا - کاروان نوری
 

وەزارەتی تەندروستی عێراق رایگەیاندووە لە 24 كاتژمێری رابردوودا چوار هەزار و 510  توشبووی نوێ بە كۆرۆنا تۆماركراوە  و لە کۆی گشتی تووشبووان  53کەس گیانیان لەدەستداوە.

ئەمڕۆ سێشەممە (27-10-2020)، لە راگەیەندراوێکدا وەزارەتی تەندروستی عێراق رایگەیاند"لە 24 كاتژمێری رابردوودا چوار هەزار و 510  توشبووی نوێ بە كۆرۆنا تۆماركراوە، سێ هەزار و 488 كەسیش چاكبوونەتەوە".

لە راگەیەندراوەکەدا ئەوەش هاتووە "لە کۆی گشتی تووشبووان  53کەس گیانیان لەدەستداوە، بە پێی ئامارەکان تا ئێستا نزیکەی   460هەزار كەس تووشی ڤایرۆسەكە بوون و لەو ژمارەیەش زیاتر لە 388 هەزار چاكبوونەتەوە و 10 هەزار و 724 كەسیش گیانیان لەدەستداوە.
 
 ک.ن