مەودا میدیا – کاروان نوری

‎قوباد تاڵەبانی، بەبۆنەی کۆچی دوایی نەجمەدین کەریم، پارێزگاری پێشووی کەرکوک، پرسەنامەیەکی بڵاوکردووەتەوە و پەیامی هاوخەمی خۆی بۆ کۆچی دوای ناوبراو دەربڕیووە.

قوباد تاڵەبانی، ‎جێگری سە‌رۆكی ئە‌نجومە‌نی وە‌زیران بڵاویکردووەتەوە "بە‌ڕێزان بنەماڵەی دکتۆر نە‌جمە‌دین کەریم، خەمبار و دڵگران بووم بەبیستنی هەواڵی کۆچی دوایی دكتۆر نەجمەدین كەریم، ‎كۆچكردوو، جگە لەوەی پزیشك و پارێزگار و كەسایەتییەكی سیاسی ناسراو بوو، هاوڕێ و دۆستی نزیكی سە‌رۆك مام جەلالیش بوو".

ئەوەشی نوسیووە "هەرگیز خزمەت و خەمخۆریی دكتۆر نەجمەدینم بۆ تە‌ندروستی باوکم بیر ناچێتە‌وە،‌ کە بۆ چەندین ساڵ لە کاتی وە‌رگرتنی چارەسەرەکانی لە ئەمریکا هەم وەکو پزیشک و جەڕاحێکی پێشکەوتوو، هەم وەکو هاوڕێ و دۆستێکی ئازیزی مام،‌ دواتریش لە‌ بەغدا و لە ئەڵمانیا، شە‌و و رۆژ چاودێری تە‌ندروستی باوكمی دە‌كرد تا ماڵئاواییكردنی هەمیشەیی".

ک.ن