مەودا میدیا - کاروان نوری

بەڕێوەبەرایەتی کوالیتی کۆنتڕۆڵی دەرمان و پێداویستی پزیشکی، كۆمپانیایەكی دەرمانی داخست کە دەرمانی نایاسایی بەکارهێناوە.

بەڕێوەبەرایەتی کوالیتی کۆنتڕۆڵی دەرمان و پێداویستی پزیشکی، بڵاویکردووەتەوە "لە درێژەی كار و چالاكیەكانی لیژنەكانی چاودێری بازاڕی بەڕێوەبەرایەتی کوالێتی کۆنتڕۆڵی دەرمان و پێداویستی پزیشکی (KMCA) لە وەزارەتی تەندروستی كۆمپانیایەكی دەرمانمان داخست".

ئەوەش خراوەتەڕوو "پاش پشكنین و بەدواداچوون بەھۆی سەرپێچیكردنی رێنمایی و مامەڵەكردن بە دەرمانی نایاساییەوە كۆمپانیایەكی دەرمانمان داخست و رێکكاری یاسایی بەرانبەر كۆمپانیاكە وەرگیراوە و  لێرەوە گشت کۆمپانیاکانی دەرمان ئاگادار دەکەینەوە کە پێویستە پابەندبن بە رێنماییەکانی سەلامەتی و یاسایی دەرمان بە پێچەوانەوە رووبەڕووی یاسا و دادگا دەبنەوە".

ک.ن