مەودا میدیا - کاروان نوری

لە کۆمەڵگه‌ی دەروازەی نێودەوڵەتیی حاجی ئۆمەران تونرا ده‌ستبه‌سه‌ر بڕی یه‌ك كیلۆگرام مادده‌ی هۆشبه‌ر بگیرێت و دوو تۆمەتباریش بە تۆمەتی کارەکە دەستگیرکراون.
 

ئه‌مڕۆ سێشه‌ممه (10-11-2020)‌، کۆمەڵگه‌ی دەروازەی نێودەوڵەتیی حاجی ئۆمەران، بڵاویكردووه‌ته‌وه "له‌ رۆژى 4-11-2020، له‌لایه‌ن بنكه‌ی نه‌هێشتنی مادده‌ هۆشبه‌ره‌كانی ده‌روازه‌ی نێوده‌وڵه‌تیی حاجی ئۆمه‌ران، تونرا ده‌ستبه‌سه‌ر بڕی یه‌ك كیلۆگرام مادده‌ی هۆشبه‌ر بگرین، له‌گه‌ڵ ده‌ستگیركردنى دوو تۆمه‌تبار".

ئەوەش خراوەتەڕوو " ماددەکان‌ له‌ جۆری (كریستاڵ) بوون و له‌ دەوروبەری خەلیفان ده‌ستی به‌سه‌ردا گیراوە، تۆمەتبارانیش دراون بە دادگا، بەردەوامیش دەبین، بە شەو و رۆژ لە پێناو پاراستنی ئاسایشی کوردستان و سەلامەتیی گیانی کوردستانییان، لە ئەرکداین".