مەودا میدیا-

سەرۆکی حکومەتی هەرێمی کوردستان پەیامێکی بڵاوکردەوە و رایدەگەیەنێت پشکی کوردستان لە بودجەی حکومەتی فیدراڵی، پاداشت نییە، بەڵکو مافێکی خۆمانە، ئاماژە بەوەشدەکات پەیوەندی ھەولێر و بەغدا پێویستە لەسەر بنەمای داننان بە ماف و ئەرکی ھەر لایەک بێت بە پێی دەستوور.

مەسرور بارزانی، سەرۆکی حکومەتی هەرێمی کوردستان لە جریوەیەکدا لە تۆڕی کۆمەڵایەتیی تویتەر رایگەیاندووە "پشکی کوردستان لە بودجەی حکومەتی فیدراڵی، پاداشت نییە، بەڵکو مافێکی خۆمانە".

ئاماژەی بەوەشکردووە "پێشتریش باسمان کردووە، پەیوەندی ھەولێر و بەغدا پێویستە لەسەر بنەمای داننان بە ماف و ئەرکی ھەر لایەک بێت بە پێی دەستوور".

باسی لەوەشکردووە "ئەو پێشھاتە مەترسیدارە، پێویستە بە زووترین کات ڕاست بکرێتەوە، هەروەها ھێشتاش دەرفەت ماوە بۆ ڕاستکردنەوەی ئەو ستەمەی ئەنجام درا".

س.س