مەودا میدیا-

بەڕێوەبەرایەتیی پۆلیسی پارێزگای هەولێر دەستگیرکردنی دوو تۆمەتباری راگەیاند بە تۆمەتی بەکارهێنانی مادەی هۆشبەر، ئەوەشی ئاشکرا کردووە کە دەست بەسەر بڕێک مادەی هۆشبەریشدا گیراوە.

لە راگەیەندراوێکدا پۆلیسی هەولێر رایگەیاند "بەشی پۆلیسی فریاکەوتن، توانیان دوو تۆمەتبار بەناوەکانی (ف. م. ا.) و (م. ج. م.) لەکاتی بەکارهێنانی مادەی هۆشبەر گەڕەکی (121ی گوڵان) دەستگیربکەن".

ئاماژە بەوەشکراوە "لەکاتی دەستگیرکردنیان دەستگیرا بەسەر بڕێک مادەی هۆشبەر و کەلوپەلی بەکارهێنانی مادەکە، پەڕاوی لێکۆڵینەوەیان بۆ رێکخرا و ڕاگیراون بەپێی ماددە (14)ی مادە هۆشبەرەکان".

س.س