مەودا میدیا- کاروان رەسوڵ

 ئەندامێکی لیژنەی دارایی لە ئەنجومەنی نوێنەرانی عیراق رایدەگەیەنێت دەبێت حکومەتی هەرێم بڕیار بدات لەنێوان ئابووریی سەربەخۆ یان گەڕانەوە بۆ بەغدا باس لەوەش دەکات بەپێ قسەکانی وتەبێژی حکومەتی عیراق بێت 320 ملیارەکە بۆ سێ مانگی داهاتووی 2020 دەنێرێت.

جەمال کۆچەر، ئەندامی لیژنەی دارایی لە ئەنجومەنی نوێنەرانی عیراق بە مەودا میدیای وت "دەبێت حکومەتی هەرێم شاند بنێرێتە بەغدا بۆ گفتوگۆی بودجەی 2021، چونکە بەقسەکانی ئەحمەد تەڵاڵ، وتەبێژی حکومەتی عیراق بێت لەو 12 ملیارەی قەرزی دەکات پشکی هەرێم دەنێرێت".

وتیشی "ئابووریی سەربەخۆمان بینی دەبێت حکومەتی هەرێم بڕیاربدات لەنێوان ئابووریی سەربەخۆ یان گەڕانەوە بۆ بەغدا" و باس لەوەش دەکات بەپێی قسەکانی وتەبێژی حکومەتی عیراق بێت 320 ملیارەکە بۆ سێ مانگی داهاتووی 2020 دەنێرێت.

ک. ر