مەودا میدیا-

قایمقامی قەزای چەمچەماڵ رایدەگەیەنێت لە ماوەی 15 رۆژی سەرەتای ئەم مانگەوە لەلایەن هێزەکانی پۆلیسی چەمچەماڵ و ناحیەکانەوە لە کۆی 63 تۆمەتبار کە فەرمانی دەستگیرکردنیان هەیە 56 تۆمەتبار دەستگیرکراون.

رەمک رەمەزان، قایمقامی قەزای چەمچەماڵ رایگەیاند "هێزەکانی پۆلیسی چەمچەماڵ و ناحیەکانی چەمچەماڵ لە ماوەی 15 رۆژی سەرەتای ئەم مانگەوە لە کۆی 63 تۆمەتبار کە فەرمانی دەستگیرکردنیان هەیە 56 تۆمەتبار دەستگیرکراون، هەروەها لەو ماوەیەدا 125 کێشە لە سنووری 9 بنکەی پۆلیسی سنوورەکە تۆمارکراوە و لەو ژمارەیە 56 تۆمەتبار دەستگیرکراون بە فەرمانی دادگا و دادوەرە بەڕێزەکان، هەروەها دەستیش بەسەر 3 ماتۆڕسکیل و سێ چەک و سێ دەمانچەدا گیراوە".

ئاماژەی بەوەشکرد "دەستخۆشی لە سەرجەم هێزە ئەمنیەکانی سنورەکەمان دەکەین و ڕایدەگەیەنین چاوپۆشی لە هیچ تۆمەتبارێک ناکرێت کە فەرمانی دەستگیرکردنی هەبێت ،داوا لەهاوڵاتیانی بەڕێز دەکەین هاوکاری هێزە ئەمنیەکان بن بەپێدانی زانیاری لەسەر دیاردە دزێوەکان".

س.س