مەودا میدیا – کاروان نوری

ئاژانسە هەواڵییەکانی وڵاتی ئێران بڵاویانکردووەتەوە، ئەمڕۆ بەتەمەنترین پیاوى کورد لەتەمەنى 139 ساڵیدا کۆچى دواییکرد.

ئەمڕۆ پێنجشەممە (19ى تشرینى دووەمى 2020)، ئاژانسى "میهر"ى ئێرانى بڵاویکردووتەوە "حاجى ئەحمەد سۆفى بەتەمەنترین پیاوى کورد لەتەمەنى 139 ساڵیدا کۆچى دواییکرد، کە لەگوندى قشڵاخى سەر بەناوچەى مزەخەرى سەقز لەساڵى 1881 لەدایک بووە".

بەگوێرەى سەرژمێرییەکى گشتى، حاجى ئەحمەد سۆفى وەکو بەتەمەنترین پیاو ناسراوە، لەدواى ئەویش ژنێک کە تەمەنى 127 ساڵە لەپارێزگاى خۆراسان وەکو بەتەمەنترین ژن دەستنیشانکراوە.

ک.ن