مەودا میدیا - کاروان نوری

ئەندامی لیژنەی پەیوەندییەكانی پەرلەمانی عیراق ئاشکرایکردووە، دادگا ماوەی 30 رۆژی داوە بە كۆمپانیاكانی پەیوەندی مۆبایل بۆ ئەوەی قەرزەكانی سەریان بدەنەوە، ئەوەشی ئاشکراکردووە، نزیکەی یەک ملیار دۆلار ئەو کۆمپانیایانە قەرزاری حکومەتن.

ئەسوان كلدانی، ئەندامی لیژنەی پەیوەندییەكان و راگەیاندنی پەرلەمانی عیراق رایگەیاند "دادگا ماوەی 30 رۆژی داوە بە كۆمپانیاكانی پەیوەندی مۆبایل بۆ ئەوەی قەرزەكانی سەریان رادەستی حكومەت بكە، پێویستە لەو ماوەیەدا قەرزەکانی سەریان بدەنەوە".

ئەوەشی خستووەتەڕوو "ئەو كۆمپانیایانە چەندین ساڵە خۆیان لە دانی باج و قەرزەكانی سەرشانیان دەدزنەوە، كە گەیشتوەتە نزیكەی یەك ملیار دۆلار، عیراق تاكە وڵاتی جیهانە كۆمپانیاكانی پارەیان لەسەر كۆدەبێتەوە و نایدەن".

ک.ن