مەودا میدیا - کاروان نوری

سەرۆکایەتی‌ زانکۆی‌ گەرمیان بڵاویکردووەتەوە، لە یەکشەممەی‌ داهاتوەوە دەوامی قۆناغی یه‌كه‌م لە ناو هۆڵەکانی زانکۆ‌ دەستپێدەکات.

سەرۆکایەتی‌ زانکۆی‌ گەرمیان بڵاویكردووەته‌وه "ئاگاداری سەرجەم خوێندكارانی قۆناغی یەكەمی زانكۆی گەرمیان لەسەرجەم بەش و کۆلێجەکان دەكەینەوە، رۆژی یەکشەممە (22-11-2020) دەوامی خوێندن لەسەرجەم بەشەكان دەستپێدەكات".

ئەوەش خراوەتەڕوو "پێویستە بە رەچاوکردنی رێنمایی تەندروستیی و خۆپارێزییەكان دەست بە خوێندنی وانەکان بكەن، لە ناو هۆڵەکانی زانکۆ".

ئەمە لە کاتێکدایە به‌هۆی بڵاوبونه‌وه‌ی ڤایرۆسی كۆرۆناوه‌، له‌ ساڵی رابردوه‌وه‌ ده‌وامی خوێندنگه‌ و زانكۆ و په‌یمانگاكان راگیراوه‌ و لە سەرەتای ئه‌مساڵەوە سه‌ره‌تا قۆناغی 12 ئاماده‌یی ده‌وامی دەستپێکرد، به‌ڵام دواتر ده‌وامكردن دوبارە راگیرایەوە.