مەودا میدیا - کاروان نوری

سه‌رۆكی پارتی دیموكراتی كوردستان رایگه‌یاندووە، ئه‌مڕۆ هه‌ینی ئامۆزایه‌كی به‌ نه‌خۆشیی كۆرۆنا كۆچی دواییكردوه‌ و ئەوەشی روونکردووەتەوە، لەبەر پاراستنی سەلامەتیی خەڵك، پرسە دانانرێت.

مه‌سعود بارزانی، سه‌رۆكی پارتی دیموكراتی كوردستان رایگه‌یاندووه،‌ شێح مه‌حمود شێخ عه‌بدوڵڵا بارزانی، كه‌ ده‌كاته‌ ئامۆزای خۆی، دوای تووشبوونی به‌ ڤایرۆسی كۆرۆنا، كۆچی دواییكردوه‌.

بارزانی لە پەیامەکەیدا ئاماژەی بۆ ئەوەشکردووە "بە هەموو خەڵكی كوردستان و گشت خزم و كەسوكارمان رادەگەیێنین كە ئەمڕۆ شێخ مەحموود شێخ عەبدوڵڵا بارزانیی ئامۆزامان و كەسایەتیی دەڤەری بارزان، بە هۆی نەخۆشیی كۆرۆنا كۆچی دواییكردووە و لەبەر پاراستنی سەلامەتیی خەڵك، پرسە دانانرێت".