مەودا میدیا- سازگار ئەحمەد

بەڕێوەبەری کۆمپانیای خۆراک لە سلێمانی رایدەگەیەنێت لە ئێستادا بەشەخۆراکی مانگی پێنجی ئەمساڵ بەسەر هاوڵاتییان بەردەوامە، ئاماژەی بەوەشکرد هیچ وادەیەک بۆ دابەشکردنی بەشەخۆراکی مانگی شەش دیارینەکراوە.

شەوکەت محەمەد، بەڕێوەبەری کۆمپانیای خۆراک لە سلێمانی بە مەودا میدیای راگەیاند "دابەشکردنی بەشەخۆراکی هاوڵاتییان بۆ مانگی پێنج بەردەوامی هەیە کە لە شەکر و زەیت و برنج دابەش دەکرێت".

بەڕێوەبەری کۆمپانیای خۆراک لە سلێمانی ئاماژەی بەوەشکرد "جارێ هیچ کاتێک بۆ دابەشکردنی بەشەخۆراکی هاوڵاتییان بۆ مانگی شەش دیارینەکراوە، چونکە هێشتا دابەشکردنی بەشەخۆراکی مانگی پێنج بەردەوامە".

س.س