مەودا میدیا - کاروان نوری

دوای ئەوەی رۆژی (16-9-2020) لەناو بازاڕی شاری سلێمانی دوو منداڵی تەمەن دوو، سێ ساڵان بە ناوەکانی زوهرە و یوسف دۆزرانەوە، وتەبێژی بەڕێوەبەرایەتى پۆلیسى سلێمانى دەڵێت، تا ئێستا کەسوکاریان دیار نییە.

سەرکەوت ئەحمەد، وتەبێژی بەڕێوەبەرایەتى پۆلیسى سلێمانى بە مەودا میدیای رایگەیاند "دوای ئەوەی رۆژی (16-9-2020) لەناو بازاڕی شاری سلێمانی دوو منداڵی تەمەن دوو، سێ ساڵان بە ناوەکانی زوهرە و یوسف دۆزرانەوە، تا ئێستاش کەسوکاریان دیار نییە و بەبڕیاری دادوەر لە ماڵی ساوایان لەگەڕەكی بەكرەجۆ لەشاری سلێمانی دەژین".

ئەوەشی خستەڕوو "داوا لە کەسوکارى ئەو دوو منداڵە و هەر کەسێک دەکەین کە زانیارییان لەبارەی ئەو دوو منداڵەوە هەیە، پەیوەندی بە بنكەی پۆلیسی نەوجەوانان یاخود هێڵە گەرمەكانی بەڕێوەبەرایەتی پۆلیسی پارێزگای سلێمانییەوە بكەن".