مەودا میدیا - کاروان نوری

وەزیری خوێندی باڵا و توێژینەوەی زانستی ئاشکرایکردووە، بە لەبەرچاوگرتنى باوردۆخى هاوڵاتییان کرێى خوێندن لە زانکۆ و پەیمانگە تایبەتەکانیان کەمکردووەتەوە.

د. ئارام محمد، وەزیری خوێندی باڵا و توێژینەوەی زانستی بڵاویکردووەتەوە "هەرێمى کوردستان بە بارودۆخێکى تایبەت گوزەر دەکات بە شێوەیەک پێویستە هەمووان رەچاوى بار و گوزەرانى دارایى خەڵکى خۆمان بکەین و لە هەمان کاتیشدا بتوانین هەلى خوێندن بۆ هەمووان دەستەبەر بکەین".

ئەوەشی خستووەتەڕوو "بە لەبەرچاوگرتنى باوردۆخى هاوڵاتییان بڕیارماندا بە کەمکردنەوەى کرێى خوێندن لە زانکۆ و پەیمانگە تایبەتەکان ئەویش بەپێى ئەنجامەکانى رێزبەندى نیشتمانى زانکۆکانى کوردستان بۆ ساڵى (2019) ".

کەمکردنەوەی کرێی خوێندنیش بەمشێوەىەی خوارەوە دەبێت:

ئەو زانکۆیانەى دەکەونە گروپى B، بەرێژەى (10%) کرێى خوێندن کەمدەکرێتەوە.

ئەو زانکۆیانەى دەکەونە گروپى C، بەرێژەى (15%) کرێى خوێندن کەمدەکرێتەوە.

ئەو زانکۆیانەى دەکەونە گروپى D، بەرێژەى (20%) کرێى خوێندن کەمدەکرێتەوە.

سەرجەم پەیمانگە تایبەتەکان و کۆلێژە زانکۆییەکان بەرێژەى (20%) کرێى خوێندنیان کەمدەکرێتەوە.