مەودا میدیا - کاروان نوری

کەمێک پێش ئێستا لەگەڕەکی عەقاری، ئەو کەسانە دەستگیرکران کە هەڵیانکوتایە سەر چێشتخانەیەک و بە چەند کەسێکەوە لە خاوەنی چێشتخانەکەیان دابوو.

عەمید ئاسۆ شێخ تەها، بەڕێوەبەری پۆلیسی پارێزگاری سلێمانی بڵاویکردووەتەوە "دوای ئەوەی چەند کەسێک ئێوارەی ئەمڕۆ هێرشیان كردە سەر خاوەنی چێشتخانەیەك، کەمێک پێش ئێستا لەگەڕەکی عەقاری دەستگیرکران و لە ئێستادا لێكۆڵینەوە لەگەڵیان بەردەوامە".

ئەمە لە کاتێکدایە وەستا کامەران، خاوەنى چێشتخانە و کەبابخانەى وەستا کامەران لەگەڕەکى شارى عەقارى سلێمانى رایگەیاند "دوانیوەڕۆى ئەمڕۆ هێزێکى چەکدار بەدوو وەنەوشەى جام رەشەوە هێرشیان کردە سەرمان و لەناو چێشتخانەکەدا بە 12 کەس پەلاماریاندام و پەنجەشم بەو هۆیەوە بریندارە".