مەودا میدیا - کاروان نوری

دوای ئەوەی لە کۆبوونەوەی ئەنجومەنی نوێنەرانی عیراقدا، ناردنی 320 ملیار دینارەکەی هەرێمی کوردستان راگیرا، سبەی شاندێکی هەرێم بۆ گفتوگۆکردن لەسەر ئەو بابەتە دەچێتە بەغدا.

بڕیاره‌ سبه‌ی‌ سێشه‌ممە، 24ی‌ تشرینی‌ دووه‌م، شاندێكی‌ حكومه‌تی‌ هه‌رێمی‌ كوردستان بە مەبەستی گفتوگۆکردن لەسەر بابەتی ناردنی 320 ملیار دینارەکەی بەغدا و هاوکات بابەتی بەشە بوجەی هەرێم لە داهاتی حکومەتی عیراق بۆ ساڵی 2021، بچێته‌ به‌غدا".

ئەمە لە کاتێکدایە لە کۆبوونەوەی ئەنجومەنی نوێنەرانی عیراقدا، بەبێ ئامادەبوونی ئەندامانی کورد، بەهۆی پابەندنەبوونی حکومەتی هەرێمی کوردستان بەو رێککەوتنەی کە لە نێوان هەردوولا واژۆ کرا، ناردنی 320 ملیار دینارەکەی هەرێمی کوردستان راگیرا.