مەودا میدیا - کاروان نوری

بەڕێوەبەرایەتی هاتوچۆی سلێمانی ئاشکرایکردووە، لە رووداوێكی هاتوچۆدا لە نزیك گوندی میریاسی خواروو، هاوڵاتییەك گیانی لەدەستدا و کەسێکی دیكەش بریندار بوو.

بەڕێوەبەرایەتی هاتوچۆی سلێمانی بڵاویكردووتەوە "ئەمڕۆ دوو شەممە (23-11-2020)، لە شارۆچكەی قەرەداغ لە نزیك گوندی میریاسی خواروو، لە رووداوێكی هاتوچۆدا ئۆتۆمبێلێك لە جۆری تۆیۆتا بارهەڵگر وەرگەڕاو و لەئەنجامدا هاوڵاتییەك گیانی لەدەستداو هاوڵاتییەكی دیكە برینداربووە".

هاتوچۆی سلێمانی ئەوەشی ئاشکراکردووە "هەر دوو قوربانییەكە، كە لە شۆفێر و سەرنشینی ئۆتۆمبێلەكە پێكهاتبوون بەمەبەستی بەشداریكردن لە مەراسیمی بەخاكسپاردنی هاوڵاتییەك چونەتە قەرەداغ".

ئەمە لە کاتێکدایە ساڵانە بەپێی ئامارەکانی بەڕێوەبەرایەتی هاتوچۆ کە ساڵانە بڵاودەکرێتەوە، ژمارەیەکی زۆر لە هاوڵاتییان لە ئەنجامی رووداوەکانی هاتوچۆ دەبنە قوربانی و بەشێکی زۆری رووداوەکانی هاتوچۆش بۆ تیژڕەویی ئۆتۆمبێلەکان دەگێڕنەوە.

ک.ن