مەودا میدیا - کاروان نوری

سەرۆکى حکومەتى هەرێمى کوردستان رایگەیاندووە، دەیانەوێت رووبەڕووى گەندەڵى ببنەوە و لەهەوڵدان بۆ ئەوەى لەگەڵ بەغدا بگەنە رێککەوتن.

مەسرور بارزانى، سەرۆکى حکومەتى هەرێمى کوردستان، لە کۆنفرانسى ساڵانەى ژوورى بازرگانى ئەمریکا و هەرێمى کوردستان، رایگەیاند "لە هەوڵداین بۆ ئەوەى لەگەڵ عیراق بگەین بە رێککەوتن، کاردەکەین بۆ ئەوەى پشکى هەرێمی کوردستان لە بەغدا مسۆگەر بکەین".

ناوبراو ئەوەشی خستووەتەڕوو "لە سیستمى باجدا گۆڕانکاریمان کردووە و دەمانەوێت رووبەڕووى گەندەڵى ببینەوە، پێشبینى ئەوە دەکەین ئەم هەفتەیە رێککەوتنێکى گەورە واژۆ بکەین کە کارەکانى حکومەت ئاسانتر دەکات".