مەودا میدیا - کاروان نوری

ئەمشەو تەندروستیی سلێمانی رایگەیاند، 24 تووشبووی كۆرۆنا داخڵی نەخۆشخانەكانی تایبەت بە كۆرۆنا كراون، شەش تووشبووش گیانیان لەدەستداوە.

به‌ڕێوه‌به‌رایه‌تی گشتی ته‌ندروستی سلێمانی لە راگەیەندراوێکدا بڵاویکردووەتەوە "24 تووشبووی كۆرۆنا داخڵی نەخۆشخانەكانی تایبەت بە كۆرۆنا كراون و تائێستاش 200 تووشبووی کۆرۆنا لە نەخۆشخانەکان ماونەتەوە".

هەر بەپێی ئەو خشتەیەی بڵاوکراوەتەوە، 173 تووشبووش لەژێر ئۆکسجیندان و هاوکات 28 تووشبووی كۆرۆنا نەخۆشخانەكانیان جێهێشتووە و شەش تووشبووش گیانیان لەدەستداوە.