مەودا میدیا - کاروان نوری

دوای ئەوەی شەوی رابردوو هەواڵیک لە میدیاکانەوە بڵاوکرایەوە کە تێیدا وا نیشان دەدرا، هێزێکی زۆر بە چەکەوە لە ناوچەی سیدەکان بڵاوکراوەتەوە، بەڕێوەبەری شارۆچکەی سیدەکانیش ئاماژە بۆ ئەوە دەکات، ئەو هەواڵانە دوورن لە راستییەوە.

ئیحسان چەلەبی، بەڕێوەبەری شارۆچکەی سیدەکان، بە مەودا میدیای راگەیاند "ئەو هەواڵانەی باس لەوە دەکەن کە کۆمەڵە هێزێک لە ناوچەکەمان بڵاوکراوەتەوە، دوورە لە راستییەوە و ئەوەی کە هەیە تەنها هێزەکانی پیشمەرگەی کوردستانە".

ئەوەشی خستەڕوو "لە بەشێک لە میدیاکانەوە بینیومە باس لە ئەو هێزانە دەکرێت کە بە چەکی قورسەوە هاتوونەتە ناوچەکە، ئێمە وەک بەرێوەبەری شارۆچکەی سیدەکان سەرجەم ئەو هەواڵانە رەتدەکەینەوە".