مەودا میدیا - کاروان نوری

درەنگانێکی ئەمشەو تەندروستیی سلێمانی رایگەیاند، 18 تووشبووی كۆرۆنا داخڵی نەخۆشخانەكانی تایبەت بە كۆرۆنا كراون، 11 تووشبووش گیانیان لەدەستداوە.

به‌ڕێوه‌به‌رایه‌تی گشتی ته‌ندروستیی سلێمانی لە راگەیەندراوێکدا بڵاویکردووەتەوە "18 تووشبووی كۆرۆنا داخڵی نەخۆشخانەكانی تایبەت بە كۆرۆنا كراون و تائێستاش 189 تووشبووی کۆرۆنا لە نەخۆشخانەکان ماونەتەوە".

هەر بەپێی ئەو خشتەیەی بڵاوکراوەتەوە، هیچ کەسێک لەژێر ئامێری هەناسەداندا نییە و هاوکات 18 تووشبووی كۆرۆنا نەخۆشخانەكانیان جێهێشتووە و 11 تووشبووش گیانیان لەدەستداوە.