مەودا میدیا - کاروان نوری

هاوسەرۆکی یەکێتیی نیشتمانیی کوردستان، لە رۆژی جیهانیی بەرەنگاربوونەوەی توندوتیژیی ژناندا پەیامێکی بڵاوکردەوە و ئاماژەی بەوە داوە، ژنان بەشێکی دانەبڕاوی خەباتی سیاسی و مەدەنی و پێشخستنی کایەکانی ژیانی کۆمەڵگای کوردەوارین. 

بافڵ تاڵەبانی، هاوسەرۆکی یەکێتیی نیشتمانیی کوردستان ئەوەشی روونکردووەتەوە "لە مامەوە فێربووین رێز لە مافەکانی ژنان بگرین و لە پێشەوەی داکۆکیکارە سەرسەختەکان بین لە دۆسیەکانی ژنان". 

دەقی پەیامەکەی:

ژنان بەشێکی دانەبڕاوی خەباتی سیاسی و مەدەنی و پێشخستنی کایەکانی ژیانی کۆمەڵگای کوردەوارین.

یەکێتیی نیشتمانیی کوردستانیش باوەڕی تەواوی بەو خەباتە ھەیە، وەک ھەمیشە پاڵپشت و ھاندەر و ھاوکاری سەرسەخت دەبین بۆ بەدیھێنانی مافەکانی ژنان.

لە مامیشەوە فێربووین رێز لە مافەکانی ژنان بگرین و لە پێشەوەی داکۆکیکارە سەرسەختەکان بین لە دۆسیەکانی ژنان.

بەندەش دژی جیاوازی رەگەزی و نادادی لەبەرانبەر داواکارییەکانی ژنان دەوەستمەوە و پارێزەری بەدیھێنانی خواست و مافە خوراوەکانتان دەبم، وە ھەموو ھەوڵێکیش دەخەمە گەڕ لەپێناو رێگرتن لەھەر توندوتیژییەک، بەھەر پاساوێک کە بەرانبەر ژنان بکرێت و ژیانیان بخاتە مەترسییەوە و رێگربێت لە پێشکەوتنەکانیان، ھاو خەباتی ژنە ئازاد و ئازاکانیش دەبم بۆ بەدیھێنانی خەون و ئامانجەکانیان.

بافڵ تاڵەبانی 

ھاوسەرۆکی یەکێتیی نیشتمانیی کوردستان