مەودا میدیا - کاروان نوری

به‌ئاماده‌بوونی رێكخه‌ری گشتی بزووتنه‌وه‌ی گۆڕان و وه‌زیری دارایی حكومه‌تی هه‌رێمی كوردستان، جڤاتی گشتی بزووتنه‌وه‌ی گۆڕان، بۆ تاوتوێكردنی چەند پرسێکی گرنگی پەیوەستە بە حکومەتی هەرێمەوە له‌ كۆبوونه‌وەدا‌یه‌.
 
ئه‌مڕۆ پێنجشه‌ممه (26-11-2020)‌ جڤاتی گشتی بزووتنەوەی گۆڕان، به‌سه‌رپه‌رشتی عومه‌ر سه‌ید عه‌لی، رێكخه‌ری گشتیی بزووتنەوەی گۆڕان و ئاوات شێخ جه‌ناب، وه‌زیری دارایی و ئابوریی حکومەتی هەرێمی کوردستان، بۆ تاوتوێكردنی دۆخی دارایی و ئابووریی هه‌رێمی کوردستان و چەند پرسێکی گرنگی پەیوەستە بە حکومەتی هەرێمەوە له‌ كۆبوونه‌وه‌دایه‌.
 
ئەمە لە کاتێکدایە، بریارە کۆبوونەوەی هەرسێ لایەنی پێکهێنەری حکومەت، لە نێوان پارتی دیموکراتی کوردستان و یەکێتیی نیشتمانیی کوردستان و بزووتنەوەی گۆڕاندا ئەنجام بدرێت و ئاراس حەسۆ میرخان، ئەندامی ئەنجومەنی سەرکردایەتی پارتی دیموکراتیی کوردستانیش ئاماژە بۆ ئەوە دەکات، لە کۆبوونەوەکەدا، چەندین پرسی گرنگی پەیوەستە بە هەرێمی کوردستان تاوتوێ دەکرێت.