کوردستانی

خۆپیشاندەرە دەستگیركراوەكانی سلێمانی ئازادكران

مەودا میدیا - سلێمانی |


خۆپیشاندەرە دەستگیركراوەكانی سلێمانی ئازادكران
مەودا میدیا - کاروان نوری

پاشنیوه‌ڕۆی ئه‌مڕۆ خۆپیشاندەرە دەستگیركراوەكانی سلێمانی ئازادكران، دوای ئه‌وه‌ی دوێنێ له‌لایه‌ن هێزه‌ ئه‌منییه‌كانی سلێمانییه‌وه‌ ده‌ستگیركران.
 
دوێنێ پێنجشه‌ممه‌ خۆپیشاندانی مامۆستایانی ناڕازیی و چین و توێژه‌كان له‌ سلێمانی ئه‌نجامدرا و له‌ خۆپیشاندانه‌كه‌دا گرژیی دروستبوو، ژماره‌یه‌ك له‌ خۆپیشانده‌ران ده‌ستگیركران، پاشنیوه‌ڕۆی ئه‌مڕۆش به‌شی دووه‌می خۆپیشانده‌ران ئازادكران.
 
به‌گوێره‌ی زانیاریه‌كان له‌ خۆپیشدانه‌كه‌ی دوێنێدا زیاتر له‌ 40 برینداربوون و 25 كه‌سیش ده‌ستگیركران، پاشنیوه‌ڕۆی ئه‌مڕۆش دوای ته‌واوكردنی رێكاره‌ یاساییه‌كان بەشی دووەمی خۆپیشاندەرە دەستگیركراوەكانی سلێمانی ئازادكران.