مەودا میدیا- سازگار ئەحمەد

بەڕێوەبەری گشتیی کۆمپانیای خۆراک لە سلێمانی رایدەگەیەنێت لە ئێستادا بەشەخۆراکی مانگی تەموزی 2020 بەسەر هاوڵاتییاندا دابەش دەکرێت، ئاماژە بەوەش دەکات پرۆسەکە بەردەوامی هەیە.

شەوکەت محەمەد، بەڕێوەبەری گشتیی کۆمپانیای خۆراک لە سلێمانی بە مەودا میدیای راگەیاند "لە ئێستادا بەشەخۆراکی مانگی تەموزی 2020 بەسەر هاوڵاتییاندا دابەش دەکرێت کە پێکهاتووە لە شەکر و زەیت".

لەبارەی ئەوەی لەدوای پەسەندکردنی پرۆژە یاسای بودجەی ساڵی 2021ی عیراقدا بەشەخۆراکی مانگانەی هاوڵاتییان زیاد دەکات شەوکەت محەمەد وتی "ئێمەش دەمانەوێت بەشەخۆراکی مانگانەی هاوڵاتییان زیاد بکات، بەڵام چاوەڕێی پەسەندکردنی پرۆژە یاسای بودجەی 2021ی عیراقین لە ئەنجومەنی نوێنەرانی عیراق".

س.س