مەودا میدیا- سازگار ئەحمەد

ماوەی چەند رۆژێکە نرخی خەیار لە بازاڕەکانی هەرێمی کوردستان بۆ 1500 دینار بەرزبووەتەوە، وێنەری ژووری بازرگانی لە عەلوەی سلێمانیش رایدەگەیەنێت بەهۆی دابەزینی پلەکانی گەرماوە نرخی خەیار بەرزبووەتەوە. 

عەتا محەمەد، نوێنەری ژووری بازرگانی لە عەلوەی سلێمانی بە مەودا میدیای راگەیاند "هۆکاری گرانبوونی نرخی خەیار تەنها بەهۆی گۆڕانکاری کەشوهەوایە، چونکە لەگەڵ دابەزینی پلەکانی گەرما بەرهەمی خەیار کەم دەکات".

ئاماژەی بەوەشکرد "بەهۆی سەرماوە بەرهەمی خەیار کەمبوو، بەمەش خواست زیادبوو لەسەر خەیار، بۆیە نرخەکەی گران بووە، بەڵام پێدەچێت لە ماوەی سێ رۆژی داهاتوودا نرخی خەیار دابەزێتەوە".

باسی لەوەشکرد "نەک تەنها لە ئێران بەڵکو لە هەموو شوێنەکان خەیار گرانبووە، نرخی هاوردەکردنی خەیاری سوری 900 دینارە بۆ هەر کیلۆیەک، هەروەها نرخی خەیاری ئێرانی 1050 دینارە بۆ هەر کیلۆیەک".

س.س