عیراقی

حکومەتی عیراق کاتی گەیشتنی ڤاکسینی کۆرۆنای راگەیاند

مەودا میدیا - سلێمانی |


حکومەتی عیراق کاتی گەیشتنی ڤاکسینی کۆرۆنای راگەیاند
مەودا میدیا-

وەزارەتی کۆچ و کۆچبەرانی عیراق رایدەگەیەنێت ڤاکسینی دژی کۆرۆنا بەسەر کامپی ئاوارەکاندا دابەش دەکات روونیشی دەکاتەوە نزیکەی 500 ھەزار ئاوارە، ڤاکسینەکەیان پێدەدرێت.

ئیڤان فایەق, وەزیری کۆچ و کۆچبەرانی عیراق بۆ میدیا عیراقییەکان دەڵێت "لە کۆتایی ئەم مانگەدا، ڤاکسینی کۆرۆنا دەگاتە عیراق و بەپێی پلانێکیش سەرجەم ئاوارەکان کە لە چەند کامپێکدا نیشتەجێکراون، ڤاکسینەکەیان پێدەدرێت".

باسی ئەوەش دەکات "لەگەڵ وەزارەتی تەندروستی و لایەنە پەیوەندیدارەکان ھەماھەنگییان کردووە بۆ پێدانی ڤاکسینی دژی کۆرۆنا بە ئاوارەکان، وتیشی، نزیکەی 500 ھەزار ئاوارە، ڤاکسینەکەیان پێدەدرێت".

ک. ر