مەودا میدیا-

حکومەتی عیراق رایدەگەیەنێت بەهۆی بڵاوبوونەوەی ڤایرۆسی کۆرۆنا قەدەغەی هاتوچۆ بۆ ماوەی دوو هەفتەی دیکە درێژدەکرێتەوە باس لەوەش دەکات  رۆژانی هەینی و شەممە و یەکشەممە قەدەغەی هاتوچۆی گشتییە.
 
ئەمیندارییەتی گشتیی ئەنجومەنی وەزیرانی عیراق دەڵێت " بەهۆی بەرزبوونەوەی ژمارەی تووشبووانی کۆرۆنا لە شارەکانی عیراق بڕیارماندا قەدەغەی هاتوچۆماندا" و دەشڵێت "قەدەغەی هاتوچۆ لە شارەکان لە رۆژی 09-03-2021 تاوەکو رۆژی 22-03-2021 درێژبکەینەوە". 
 
باسی لەوەش کردووە "رۆژانی هەینی و شەممە و یەکشەممە قەدەغەی گشتییە لەسەرتاسەری شارەکانی عیراق، بەڵام لە رۆژانی دیکەی هەفتەدا قەدەغەی هاتوچۆ لە کاتژمێر هەشتی ئێوارە تاوەکو پێنجی بەیانی دەبێت".

ک. ر