مه‌ودا میدیا-

وه‌زیری ناوخۆی ئیسرائیل ده‌ڵێت له‌مه‌ودا هه‌ڵگرانی ره‌گه‌زنامه‌ی ئیسرائیلی ده‌توانن سه‌ردانی وڵاتی سعودیه‌ بكه‌ن.

ئارییه‌ درعی، وه‌زیری ناوخۆی ئیسرائیل رایگه‌یاند "له‌مه‌ودا هه‌ڵگرانی ره‌گه‌زنامه‌ی ئیسرائیل ده‌توانن بچنه‌ سعودیه‌، بڕیاره‌كه‌ش به‌هه‌ماهه‌نگی له‌گه‌ڵ ده‌زگای سه‌ربازی ئیسرائیل دراوه‌".

 بۆ یه‌كه‌مجاره‌ رێگه‌ بدرێت خه‌ڵكی ئیسرائیل سه‌ردانی وڵاتی سعودیه‌ بكه‌ن، بڕیاره‌كه‌ ته‌نها ئه‌و كه‌سانه‌ ده‌گرێته‌وه‌ ده‌یانه‌وێت به‌شداری مه‌راسیمی حه‌ج بكه‌ن و ده‌توانن بۆ ماوه‌ی 9 رۆژ له‌ سعودیه‌ بمێننه‌وه‌.