مه‌ودا میدیا-

ئەمڕۆ هه‌ینى 9ی نیسانی 2021 نرخی بەرمیلێک نەوتی خاوی برێنت لە بازاڕەکانی جیهاندا بە 63 دۆلار و 3 سەنتە، هاوكات نرخى بەرمیلێک نەوتی خاوی ئەمەریکیش بە 59 دۆلار و 51 سەنت دەفرۆشرێت.

به‌راورد به‌ دوێنێ نرخى نه‌وت به‌رزبوونه‌وه‌ى به‌خۆیه‌وه‌ بینیوه‌، دوێنێ نرخی بەرمیلێک نەوتی خاوی برێنت لە بازاڕەکانی جیهاندا بە 62 دۆلار و 86 سەنت بوو، هاوكات نرخى بەرمیلێک نەوتی خاوی ئەمەریکیش بە 59 دۆلار و 44 سەنت دەفرۆشرا.

ساڵى رابردوو به‌هۆى بڵاوبوونه‌وه‌ى ڤایرۆسى كۆرۆنا و گرتنه‌به‌رى ریكاره‌ ته‌ندروستییه‌كان و راگه‌یاندنى كه‌ره‌نتینه و وه‌ستانى كارى كارگه‌كان له‌ زۆرینه‌ى وڵاتانى جیهان، نرخى نه‌وت دابه‌زینى به‌رچاوى تۆماركرد، به‌ڵام ماوه‌یه‌كه‌ نرخه‌كه‌ى روو له‌ به‌رزبوونه‌وه‌یه‌ و پێشبینیش ده‌كرێت زیاتر به‌رزبوونه‌وه‌ تۆماربكات.

هـ.ع