مەودا میدیا-

سوپای ئیسرائیل رایگەیاند لە خاكی سوریاوە مووشەكێكی زەوی- ئاسمان ئاراستەی وڵاتەكەی كراوە و ئەوانیش وەڵامی پێویستیان داوەتەوە ئەمە بێ ئەوەی باس لە زیانەكانی ئەو هێرشە مووشەكییە بكات.

بەپێی بەیاننامەكەی سوپای ئیسرائیل هاتووە، لە سوریاوە مووشەکێکی زەوی- ئاسمان ئاراستەی خاکی وڵاتەکەی کراوە و لە ناوچەیەکی باشوور کەوتووەتە خوارەوە، لە بەرانبەریشدا سەکۆی هەڵدانی مووشەکەکەیان خاپوور کردووە.

ماڵپەڕی ئەنادۆڵی توركی بڵاویكردووەتەوە بەیاننامەكەی سوپای ئیسرائیل ئاماژەی بەوەكردووە "پێش ماوەیەکی کەم لەمەوبەر لە سوریاوە مووشەکێکی زەوی- ئاسمان ئاراستەی ناوچەی نەقەب کرا''.

لە بەیاننامەکەدا ئەوەش باسكراوە ''لە بەرانبەر ئەوەدا، سوپای ئیسرائیل سەکۆی هەڵدانی مووشەکەکە و سەکۆی دیکەی هەڵدانی مووشەکی زەوی-ئاسمانیان لە خاکی سوریادا بۆردومان کردووە''.

سەبارەت بە زیانە گیانییەکان لە بەیاننامەکەدا، هیچ زانیارییەک نەخراوەتەڕوو.
لەلایەكی دیكەوە و بەپێی چەندین سەرچاوەی رەسمی و ناڕەسمی ئیسرائیل راستەوخۆ و ناڕاستەوخۆ ئێران بە ئەنجامدەری ئەو هێرشە تۆمەتبار دەكات و هەڕەشەی تۆڵە‌كردنەوە دەكات.

س.س