مه‌ودا میدیا-

ماوه‌ى دوو رۆژه‌ شه‌ڕ له‌ شارى قامیشلۆى رۆژئاواى كوردستان به‌ردوامى هه‌یه‌، ئه‌مڕۆش به‌هۆى شه‌ڕ و پێكادانه‌كانه‌وه‌ منداڵێك كوژرا و یه‌كێكى دیكه‌ش برینداربوو.

بە پێی هەواڵێکی ئاژانسی هاوار نیوز، "لە ئەنجامی هێرشی چه‌كدارانى به‌رگرى نیشتمانى سوریا، دوو منداڵ بە ناوەکانی ئەحمەد حەمودی تەمەن 10 ساڵ و مەحمود مەحمودی، لە گەڕەکی وەحدە لە باشووری قامشلۆ بە سەختی بریندار کران و رەوانەی نەخۆشخانەی شەهید خەبات کران لە قامشلۆ".

ئاشكراشیكردووه‌ "بە هۆی سەختی برینەکەیەوە لە نەخۆشخانەی شەهید خەبات،  مەحمود مەحمودی، ژیانی خۆی لەدەستدا و دۆخی منداڵەکەی دیکە ناجێگرە، تاوه‌كو ئێستاش شەڕ و پێکدادانەکان بەردەوامە".

شەوی چوارشەممه‌ لە فەلەکەی وەحدە لە شاری قامشلۆ، چه‌كدارانى به‌رگرى نیشتمانى سەر بە رژیمی سوریا، هێرشیان کردە سەر خاڵێکی هێزەکانی ئاسایش و لە ئەنجامدا شەڕڤانێکی هێزەکانی ئاسایشی رۆژئاوای کوردستان شەهید بوو، له‌وكاته‌شه‌وه‌ شه‌ڕ به‌رده‌وامى هه‌یه‌.

هـ.ع