مه‌ودا میدیا-

ئەمڕۆ هه‌ینى 23ی نیسانی 2021 نرخی نەوتی برێنت و نەوتی خاوی ئەمەریكی لە بازاڕه‌کانی جیهان به‌م جۆره‌ی خواره‌وه‌ مامه‌ڵه‌ی پێوه‌ده‌کرێت.

نرخی بەرمیلێک نەوتی خاوی برێنت لە بازاڕەکانی جیهاندا بە 63 دۆلار و 36 سەنتە، هاوكات نرخى بەرمیلێک نەوتی خاوی ئەمەریکیش بە 62 دۆلار و 05 سەنت دەفرۆشرێت، ئه‌مه‌ له‌ كاتێكدا دوێنى له‌سه‌ره‌وه‌ى 64 دۆلاره‌وه‌ مامه‌ڵه‌ به‌ نه‌وتى برێنت كراوه‌.

ساڵى رابردوو به‌هۆى بڵاوبوونه‌وه‌ى ڤایرۆسى كۆرۆنا، گرتنه‌به‌رى ریكاره‌ ته‌ندروستییه‌كان، راگه‌یاندنى كه‌ره‌نتینه و وه‌ستانى كارى كارگه‌كان له‌ زۆرینه‌ى وڵاتانى جیهان، نرخى نه‌وت دابه‌زینى به‌رچاوى تۆماركرد، به‌ڵام ماوه‌یه‌كه‌ نرخه‌كه‌ى روو له‌ به‌رزبوونه‌وه‌یه‌ و پێشبینیش ده‌كرێت زیاتر به‌رزبوونه‌وه‌ تۆماربكات.

هـ.ع