مه‌ودا میدیا-

ئێواره‌ی ئه‌مڕۆ له‌ گه‌ڕه‌كێكی شاری هه‌ولێر باوكێك كوڕه‌كه‌ی خۆی كوشت.

هۆگر عه‌زیز، وته‌بێژی پۆلیسی هه‌ولێر، رایگه‌یاند "ئێوارەی ئەمڕۆ شه‌ممه‌ 24ی نیسانی 2021، لە گەڕەکی مەنتکاوەی شاری هەولێر، رووداوێکی کوشتن روویدا، کە کەسێک بەناوی (سۆران.م.ص) تەمەن 31 ساڵ لەلایەن باوکییەوە کوژرا".

راشیگه‌یاند "دەستبەجێ تیمەکانی بەڕێوەبەرایەتیی پۆلیسی پارێزگای هەولێر، گەیشتنە شوێنی رووداوەکە بە مەبەستی لێکۆڵینەوە لە هۆکاری رووداوەکە".

ئه‌مه‌و ورده‌كاری زیاتر له‌سه‌ر رووداوه‌كه‌ نه‌خراوه‌ته‌ڕوو.

هـ.ع