مەودا میدیا-

وەزارەتی تەندروستیی عیراق ئاماری 24 کاتژمێری رابردووی کۆرۆنای بڵاوکردەوە و بەپێی ئامارەکە 6405 کەسی دیکە لە پارێزگاکانی عیراق تووشی ڤایرۆسی کۆرۆنا بوون و 32 حاڵەتی گیانلەدەستدان تۆمار کراوە و ژمارەی تووشبووانیش یەک ملیۆن و 65 هەزار و 199 کەس بەرزبووەوە.
  
لە راگەیەندراوەکەی وەزارەتی تەندروستیی عیراقدا هاتووە "لەماوەی 24 کاتژمێری رابردوو 6405 حاڵەتی نوێی تووشبوون بە ڤایرۆسی کۆرۆنا تۆمارکراوە، هەروەها 32 حاڵەتی گیانلەدەستدان تۆمارکراوە و 7111 تووشبووی ڤایرۆسی کۆرۆناش چاکبوونەتەوە".
  
جێگای ئاماژەیە، دوایین ئامارەکانی وەزارەتی تەندروستیی عیراق لەبارەی ژمارەی تووشبووان و گیانلەدەستدانی ڤایرۆسی کۆرۆنا بەمشێوەیەیە، یەک ملیۆن و 65 هەزار و 199 کەس تووشبوون و 942 هەزار و 46 کەس چاکبوونەتەوە 15هەزار و 465 تووشبووش گیانیان لەدەستداوە.

س.س