مەودا میدیا-

دەستەی سزای دادگای پێداچوونەوەی ھەرێم كە لە پێنج دادوەر پێكدێن بە زۆرینەی دەنگی سێ دادوەر سزای بەندكردنی رۆژنامەنوسان و چالاكوانانی بادینانی پەسندكرد.

حاکم شێخ لەتیف، ئەندامی پێشووی ئەنجومەنی نوێنەرانی عیراق لە لاپەڕەی تایبەتی خۆی لە تۆڕی کۆمەڵایەتیی فەیسبووک نووسیویەتی "بەداخەوە دەستەی سزای دادگای پێداچونەوەی ھەرێم كە لە پێنج دادوەر پێكدێن بە زۆرینەی دەنگی سێ دادوەر سزای بەندكردنی رۆژنامەنووسان و چالاكوانانی بادینانی پەسندكرد".

ئاماژەی بەوەشکرد "رۆژێكی رەش و وەرچەرخانێكی ترسناك لە رووی بەكارھێنانی دادگا بۆ سزادانی سیاسی، ناوبانگی ھەرێمیش زیاتر ناشیرین دەكات، تاکە رێگە مابێت ئەوەیە كە سەرۆكی ھەرێمی کوردستان لە ئاستی وتەكانی خۆی بێ و بڕیارێكی لێبوردنی تایبەتییان بۆ دەربكات، چونكە پێشبینی ناكرێت تازە دەستەی گشتی دادگای پیداچونەوەش بریارەكەی بۆ بگۆڕدێت یان بیەوێت بیگۆڕێت ئەگەر داوای راستكردنەوەش بكرێت".

جێگای ئاماژەیە، تاوەکو ئامادەکردنی ئەم هەواڵە دەستەی سزای دادگای پێداچوونەوەی ھەرێم هیچ نووسراوێکی فەرمی لەو بارەیەوە بڵاونەکردووەتەوە.

س.س