کوردستانی

لەبارەی دیاریکردنی یەکەم رۆژی جەژن روونکردنەوە دەدرێت

مەودا میدیا - سلێمانی |


لەبارەی دیاریکردنی یەکەم رۆژی جەژن روونکردنەوە دەدرێت
مەودا میدیا- سازگار ئەحمەد

وتەبێژی وەزارەتی ئەوقاف و کاروباری ئایینی حکومەتی هەرێمی کوردستان رایدەگەیەنێت رۆژی سێشەممەی داهاتوو لییژنەی باڵای بینینی مانگ لە هەرێمی کوردستان کۆدەبێتەوە، ئاماژە بەوەشدەکات بە هەماهەنگی لەگەڵ وەقفی سوننی عیراقی یەکەم رۆژی جەژنی رەمەزان دیاریدەکەن.

جۆین بە بە تیلیگرامی مەودا میدیاوە

نەبەز ئیسماعیل، وتەبێژی وەزارەتی ئەوقاف و کاروباری ئایینی حکومەتی هەرێمی کوردستان لەبارەی دیاریکردنی یەکەم رۆژی جەژن بە مەودا میدیای راگەیاند "رۆژی سێشەممە 11ی ئایاری 2021 لیژنەی باڵای بینینی مانگ لە هەرێمی کوردستان کۆدەبێتەوە، بەمەبەستی دیاریکردنی یەکەم رۆژی جەژنی رەمەزان".

وتەبێژی وەزارەتی ئەوقاف و کاروباری ئایینی حکومەتی هەرێمی کوردستان ئاماژەی بەوەشکرد "بە هەماهەنگی لەگەڵ وەقفی سوننی عیراقی یەکەم رۆژی جەژنی رەمەزان دیاریدەکەین".

نەبەز ئیسماعیل باسی لەوەشکرد "تاوەکو ئێستا بە فەرمی یەکەم رۆژی جەژنی رەمەزان دیارینەکراوە، ئەو هەواڵانەی کە بڵاودەکرێنەوە تەنیا رای کەسین".

س.س