مەودا میدیا-

وتەبێژی بەڕێوەبەرایەتی گشتیی هاتوچۆی حکومەتی هەرێمی کوردستان رایگەیاند بڕیاری هاوردەکردنی چەند جۆرێکی ئۆتۆمبێلی خوار مۆدێل 2019 تاوتوێ دەکەن، بۆ هەر ئۆتۆمنێلێک باج وەردەگیرێت.

عەمید ئەسعەد كەریم، وتەبێژی بەڕێوەبەرایەتی گشتیی ھاتوچۆی ھەرێم لە لێدوانێكی رۆژنامەوانیدا رایگەیاند "وەزارەتی ناوخۆی عیراق بڕیاریداوە ڕێگە بە ھاوردەكردنی ئۆتۆمبێلی خوار مۆدێل 2019 بدرێت، بۆ ئەو مەبەستەش وەزارەتی ناوخۆی ھەرێم ھاوردەكردنی 10 جۆر ئۆتۆمبێلی خوار مۆدێل 2019 تاوتوێ دەكات، بۆئەوەی وەك عیراق رێگە بەھاوردەكردنیان بدرێت و بۆ هەر ئۆتۆمبێلێک دوو ملیۆن دینار باجیان لێوەربگیرێت".

ئاماژەی بەوەشکرد "مەرج نییە رێنماییەكانی عیراق لە ھەرێم جێبەجێ بكرێن، بەڵام ھەوڵدەدرێت نزیك لە بڕیار و ڕێنماییەكانی عیراق لە ھەرێمیش ڕێگە بە ھاوردەكردنی ئۆتۆمبێل بدرێت".

پ.ح