مەودا میدیا-

هاوسەرۆکی یەکێتیی نیشتمانیی کوردستان رایگەیاند "ئازادیخوازانی كوردستان شایه‌نی پاراستن و رێزگرتن و پشتیوانین، داوای لە سەرۆکی هەرێمی کوردستان دەکەم ده‌سه‌ڵاتی خۆی به‌كاربێنێت و دادگا له‌ ده‌ستێوه‌ردانی سیاسیی بپارێزێت".

لاهور شێخ جەنگی، هاوسەرۆکی یەکێتیی نیشتمانیی کوردستان سەبارەت بە دەستگیرکراوانی بادینان پەیامێکی بڵاوکردەوە و رایگەیاند "ئازادی به‌ردی بناغه‌ی هه‌رێمی كوردستانه‌، ئازادیخوازانی كوردستان شایه‌نی پاراستن و رێزگرتن و پشتیوانین، نێرده‌ دیپلۆماسییه‌ نێوده‌وڵه‌تییه‌كان به‌دیهێنه‌ری ناوچه‌ی ئارام و پارێزه‌ری ئه‌زموونی هه‌رێمی كوردستانن، تۆمه‌تباركردنییان به‌ تۆمه‌تی بێ بنه‌ما، سكانداڵه‌ و زۆر خراپ ناوبانگی هه‌رێم له‌ككه‌دار ده‌كات".

ئاماژەی بەوەشکرد "پێویسته‌ به‌ هه‌موومان، هێز و لایه‌نه‌ سیاسی و مه‌ده‌نییه‌كان، رووبه‌ڕووی ئه‌م پێشهاته‌ مه‌ترسیداره‌‌ راوه‌ستین، داوا ده‌كه‌م سه‌رۆكی هه‌رێمی كوردستان ده‌سه‌ڵاتی خۆی به‌كاربێنێت، دادگا له‌ ده‌ستێوه‌ردانی سیاسی بپارێزێت، سزای ناڕه‌وای سه‌ر گه‌نجه‌ ده‌ستگیركراوه‌كانی بادینان لابه‌رێت و ئه‌و ده‌ستدرێژییه‌ی كراوه‌ته‌ سه‌ر نێرده‌ دیپلۆماسییه‌كان، به‌رپه‌رچبداته‌وه‌".

پ.ح