مەودا میدیا-

قایمقامییەتی سلێمانی لە راگەیەندراوێکدا ئاشکرایکرد ئەمڕۆ هەینی 7ی ئایاری 2021 لەلایەن لیژنە هاوبەشەکانی قایمقامییەتەوە 12 شوێنی جیاوازییان بەهۆی پابەندنەبوون بە رێنماییە تەندروستییەکان داخستووە.

دەقی راگەیەندراوەکە:

بەوێنه‌؛ قائیمقامیەتی سلێمانی (12) شوێن دادەخات

بەهۆی پابەندنەبون بەمەرج و رێنماییەکان قائیمقامیەتی سلێمانی (12) شوێن دادەخات.

ئەمڕۆ هەینی (2021.5.7) لەدرێژەی هەڵمەتەكانی لیژنە هاوبەشەکانی قائیمقامیەت بۆ دوکان و بازاڕ و شوێنەگشتییەکان و پشکنین بۆ ئەو کاڵاوشمەک و خواردەمەنیانەی رۆژانە له‌لایه‌ن بازرگانه‌كانه‌وه‌ بەهاوڵاتیان دەفرۆشرێت، سەردانی چێشتخانە، نانه‌واخانه و شیرینییه‌كان دوکانەکانی دیکەی بازاری شاری سلێمانی_یان کرد.

له‌ هه‌ڵمه‌ته‌كه‌دا ده‌ست به‌سه‌ر بڕێك خواردن و خواردنه‌وه‌ی خراپ و ماوه‌به‌سه‌رچودا گیراو و پسوڵه‌ی سه‌رپێچی بۆ خاوه‌ن شوێنه‌كان كراوه، هەروەها بەهۆی پابەندنەبون بە مەرجەکانی تەندروستی و ڤێتێرنەری و رێنماییەکانی دیکەی کارکردن و دانانی خواردن و خواردنەوە لە شوێنی گەرم و بەرتیشکی خۆر (12) شوێن داخران.

به‌پێی رێنماییه‌كانی تەندروستی، نابێت خواردن و خواردنەوە له‌ شوێنی گه‌رم و به‌رتیشكی خۆر عه‌مبار بكرێت یان بگوازرێته‌وه‌، چونكه‌ به‌هۆی كارلێكی كیمیاییه‌وه پێکهاتەکانیان دەگۆڕێت و ده‌بێته‌ هۆكاره‌ كه‌مبونه‌وه‌ی به‌رگری له‌ش و زیان به‌ته‌ندروستی مرۆڤ ده‌گه‌یه‌نێت، ‌ هەروەها توشبون به‌نه‌خۆشی شێرپه‌نجه‌.

هەڵمەتی لیژنە هاوبەشەکان بە هاوکاری بەڕێوەبەرایەتییەکانی ئاسایش، پۆلیس و تەواوی هێزە ئەمنییەکانی دیکەی شاری سلێمانی بەردەوام دەبێت و هەرشوێنێک سەرپێچی ئەنجام بدات روبەڕوی رێکارە یاساییەکان دەکرێتەوە.

س . ب
راگه‌یاندنی قائیمقامیه‌تی سلێمانی